الرئيسيةالبوابةس .و .جبحـثالأعضاءالمجموعاتالتسجيلدخول

شاطر | 
 

 تصنيف بنات الغزل‏!!!!!!

اذهب الى الأسفل 
كاتب الموضوعرسالة
شبيهة القمر
غـِيـِرْ الَِبـَشـَرْ
avatar

انثى عدد الرسائل : 241
العمر : 25
الإقامة : فـــــ دنـــــيـــــــايــــ غـــــريـــــبــــه
{..المستوى ~ :
10 / 10010 / 100

MMS :
تاريخ التسجيل : 07/11/2008

~ معلومات إضافية ~
{.. Mood ..: أدْرُس
!¦[ الأوسمة ]¦!:

مُساهمةموضوع: تصنيف بنات الغزل‏!!!!!!   07.12.08 22:46

يقولون ان فيه ناس عندهم زواج ويوم جاء يوم العرس قالت أم العروس لأبو العروس , ابيك تفهم المعرس لايقرب من البنت الليلة لان عليها العادة
قال الأبو , يصير خير . وساعة حضر العريس قرب منه ابو البنت قال له بصوت خفيف ترى البنت ماهيب تصلي , يبيه يفهم انها مهب طاهرة
قال المعرس , شرهتك على اللي يعرف اتجاه القبلة.



--------------------------------------------------------------------------------






تصنيف بنـات الغزل السعوديات أذا كنت تبي تتعلم

تعال معي

أعلمك ردة فعل كل نوع من البنات محترفات الغزل


المواصفات و المعلومات عامه

بنات الياى هاي :

ما تتغطى على بالها محد يهمها

( لكن ان كانت توها صاحيه من النوم اى هين تكشف انواع الخشوم والعيون المتفخه )
وعباية عليها كل نقشات العالم + بوت مشي
المشيه تنقز تنقز بزعمها جاقنق
ومن رواد
مطاعم السيزون والريف اللبنانى والايطالى والقلوب والكوارتو

اللى هى قرويه بس مسويا فيها موب قرويه :
تتلثم .. وعباية مطرزه (يبيلها سيوف الننيجا ) ..

والعيون ترسمها 3 ساعات + تنس شوز
المشيه حبه حبه بزعمها ناعمه مره
و المطعم البرازيلي ( الترازو ) و ستارباكس و دابينو والصيني و الكافيات في المولات




القرويه :

برقع + نقاب .. عباية مخصره + جزمه حمرا عاليه
المشيه فيها هزه كنها راكبه جمل..ماعندها توافق عقلى عصبي فمشيتها
من رواد
والمطاعم ..ماكدونالد وهرفي و كودو و مطاعم المثلوثة
.................................................. ..........................


الاهتمامات في السوالف

بنات الياى هاي :
فلانه خطبها امير ؟!!
تمارين رشاقه ودايت قبل الصيف
ودى اتحجب هالسنه
متى ابطل تشاكليت

اللى هى قرويه بس مسوى فيها موب قرويه :
فلانه طلقها زوجها
ابي اروح السوق عندى مقاضي
مسلسلات مصريه وكويتيه
تكلم 24 ساعه

القرويه :
تروح زواجات
تروح الخياط
تحط حنا في شعرها
تطبخ
.................................................. ..........................







أول ما تتعرف عليها ..

نوعية المواضيع اللي تحكى فيها معك

بنات الياى هاي :
تحكي وين سافرت إجازة الحج ..



وعن أنها تبي تأخذ جولة وتغير ستايلها ..



وعن أبوها وشركاته

اللى هى قرويه بس مسوى فيها موب قرويه :
عن الشباب ومضايقاتهم ..



عن أنها دايم تغير موبايلها ..



عن خطابها وكثرتهم

القرويه :
عن طلاق اختها .. عن ابها وجدها ..



عن أخوها انه ما يوديها للزواجات
.................................................. ..........................







طريقة المواعيد لكل نوع معك


بنات الياى هاي :
تواعدك في المولات الفخمة الجديدة .. والا تجيك بسيارتها ( والسواق وده يلعن خييرك )

اللى هى قرويه بس مسويا فيها موب قرويه :
تواعدك فى أقرب مول لبيتها ( ومعها كل خواتها ) .. والا تروح تاخذها من بيت صديقتها إلي في الحي الراقي

القرويه :
تروح تأخذها من عرس( وتتمتع في ريحتها بكل أنواع الروائح بعد الرقص )
.................................................. ..........................







لين بغت تتفشخر و تدعى عليك

بنات الياى هاي :


تقول تصدق انو بابا يبي يغير البي ام حقى يقول خلاص له سنتين معك بس انا ماابي



حبيت سيارتي خلاص أحسها جزء منى ( بزعمها مايهمها ).. .



وإلا تقول اااااه الكردد حقي ما فيه إلا عشرين ريال انا مفلسه ( بزعمها تنكت وواثقة من نفسها ) ........



وإلا تقول ماما خيرتنى بين ساعه الماس والا تسفرنى ويك اند بيروت وش رايك؟

اللى هى قرويه بس مسويا فيها موب قرويه :


تقول شركة الاتصالات حراميه بزود تونى مسدده فاتورة جوالى 5 آلاف...



وإلا تقول هالسنه محتارين نسافر القاهره و دبي والا نروح ماليزيا و تركيا ..



و إلا تقول كل اسبوع لازم نروح الاستراحه ........



وإلا تقول أنا مليت وأنا اعزم صديقاتي في نفس الأماكن أبي أغير وين أعزمهم ؟

القرويه :
تقول والله تونى شارية جوال ابوكاميره ( بزعمها قوه لوول ) ..



وإلا تقول ابوى بيودينا لابها أو ماليزيا وحنا نبي سوريا ..



وإلا تقول ياخى سواقنا ذا الاندلوسي وش زين سواقته ( بزعمها ماتطلع مع أخوها )
.................................................. ..........................





لين قلتلها أتمني تعرفيني بشخصيتك أو ميولك

بنات الياى هاي :
انا انسانه ابحث عن كيانى .. اكره القيود .. محد له سلطه على الا عقلى ..



اسمع فيروز و كاترين برادا وكلاسك ميوزك ..



احب الرج ل يكون شكله شرقى لكن له مايند غربي

اللى هى قرويه بس مسويا فيها موب قرويه :
أنا صريحة .. اسمع راشدالماجد ..واحب الشعر .. برغم كثر مايخطبونى لكنى ابي زوج مثل خالد الفيصل أو محمد بن راشد ..



عيبي طيبتي ..



وأموت في (احمد السقا ) الممثل المصري ..



و غيورة حتى من نفسي

القرويه :
شف ........ انا مانيب احب اللف والدوران يعنى احب الزبده ..



ومنيب أجامل يعنى وجهي مغسول بمرق ..



آه لو انك مهند التركي



.. اتمنى ألاقى زوج مثل زوج اختى الكبيرة مزنه ..



أحب البس تفصيل مااحب الجاهز
.................................................. ..........................





كيف تكلمك على موبايلك ؟

بنات الياى هاي :
ترسلك مسج تقول اى مس يو ..



هي متأكدة أنك خفيف وانك بتكلمها على طول

اللى هى قرويه بس مسويا فيها موب قرويه :
تدق رنه وتسكر ..



تقول اخاف يطلع رقمك فالفاتوره عند اهلها

القرويه :
تكلمك ربع دقيقه ..



تقول كلمني الحين مابقى في الرصيد إلا 17 ريال ومخليتهم رسايل
................... .................................................. .......





كيف وضعها معك وبأي طريقه تكلمك

بنات الياى هاي :
لازم تقول .. اها .. ولين طاح منها اى شيى تقول اوتش ..



وطول ماهي تكلمك تحاكى الشغاله بالانقليزى..



ونص المكالمة تسمعك اغانى بايخه.. وقبل لاتسكر تقول تيك كير

اللى هى قرويه بس مسويا فيها موب قرويه :
لازم تقولك أنا متضايقة ابوى جايه خطيب كويس مره واخاف يجبرنى ..



طول ما هي تكلمك أمها تناديها بصوت عالى ..



لين جتها اختها تحطك هولد تبي توريك عندهم سنترال ........



لازم تقول تشاو قبل لاتسكر

القرويه :
لازم تقولك ابقوم احط لى عشاء..



تتصل عليك فاليوم 450 مره .. كل شوى تدبج فى ولد اختها وهى تكلمك ..



تطلع السطوح تصلح الدش وانت معها عالخط ..



ماتخلو اى مكالمه من الاهات والتنهدات.. تقولك ليش ما تتوظف عسكري ؟
.................................................. ..........................







لين بغت تتركك لاى سبب

بنات الياى هاي :
تقولك : ماعاد احس ان فيه بيننا كونكشن روحى ..



وبليز اذكرني بالذكر الكويس عند الناس واعتبرنى سحابة صيف

اللى هى قرويه بس مسويا فيها موب قرويه :
أنا انخطبت ..ولو سمحت رجع صوري اللى خذيتها فعيد الحب

القرويه :
اهلى كشفونى .. وتكفى رجع الدوب اللى شريته لك من ألمول
.................................................. ..........................





لين تركتك فتره طويله ورجعت بعد الفضاوه واشتاقت لك

بنات الياى هاي :
تحط لك على الفويس ميل( ياى عالفويس ميل) اغنية ( هاو كان اى كاتش يو )
وترسل مسج مكتوب فيه:
اى نيد سم و ن
هى ونت مى
بت .. ووال بتوين اص
وير ازت ؟
اى لوزت ؟

اللى هى قرويه بس مسويا فيها موب قرويه :
تكلمك صديقتها تقولك كلم فلانه ضرورى مسئلة حياة او موت
وتتصل عليها .. تقولك انا ماكلمتك الا محتاجة لك فعلا ..

عندى مشاكل وتعبانه نفسيا.. اعتبرنى اخت او صديقه

القرويه :
تسجلك اغنية .. ابصملك على العشره
وتدق عليك رنه وتسكر 250 مره ..

لين كلمتها تقول وشدعوه هالتغلى .
.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تصنيف بنات الغزل‏!!!!!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات دمعة أمل :: ..|| ع ـالم المرَح والتَسـّـلية ||.. :: فلها وربكـ يحلها-
انتقل الى: